മുംബൈ :സെയഫ് അലി ഖാന് ആക്രമിക്കപ്പെട്ട സംഭവത്തില് വീട്ടില് നിന്നും കണ്ടെത്തിയ വിരൽ അടയാളങ്ങൾ പ്രതിയുടേതല്ല.ഫോറന്സിക്ക് കണ്ടെത്തിയ 19 വിരലടയാളങ്ങളില് ഒന്ന് പോലും പ്രതി ഷരീഫുല് ഇസ്ലാമിന്റേതല്ലെന്ന് റിപ്പോര്ട്ട്.കമ്പ്യൂട്ടര് സഹായത്തോടെയുള്ള പരിശോധനയിലാണ് ഇവ ഷരീഫുള് ഇസ്ലാമിന്റേതല്ലെമന്ന് കണ്ടെത്തിയത്. ഇക്കാര്യം അന്വേഷണ സംഘത്തെ അറിയിച്ചതായും അവര് തുടര് പരിശോധനകള്ക്കായി കൂടുതല് വിരലടയാളങ്ങള് അയച്ചുതന്നതായും സി.ഐ.ഡി വൃത്തങ്ങള് മാധ്യമങ്ങളോട് പറഞ്ഞു.
ഇക്കഴിഞ്ഞ വ്യാഴാഴ്ച പുലര്ച്ചെയാണ് ബാന്ദ്രയിലെ വസതിയില് അതിക്രമിച്ച് കയറി സെയ്ഫ് അലി ഖാനെ ആക്രമിച്ചത്. ആക്രമണത്തില് നടന് ആറ് തവണ കുത്തേല്ക്കുകയും കത്തി മുറിഞ്ഞ് ശരീരത്തില് തറയ്ക്കുകയും ചെയ്തു. ചോരയില് കുളിച്ച നടനെ ഓട്ടോറിക്ഷയിലാണ് ആശുപത്രിയില് എത്തിച്ചത്. ആക്രമണശേഷം പ്രതി വീട്ടില് നിന്ന് രക്ഷപ്പെടുന്ന സിസിടിവി ദൃശ്യങ്ങള് പോലീസ് പുറത്തുവിട്ടിരുന്നു. നടനെ ആക്രമിച്ച ബംഗ്ലാദേശ് പൗരന് ഷരീഫുള് ഇസ്ലാമിനെ കഴിഞ്ഞദിവസം പോലീസ് അറസ്റ്റ് ചെയ്തിരുന്നു.