രണ്ട് ​ദിവസം ലിഫ്റ്റിൽ കുടുങ്ങിയ രവീന്ദ്രനെ മന്ത്രി വീണാ ജോർജ് സന്ദർശിച്ചു

തിരുവനന്തപുരം: മെ‍‍ഡിക്കൽ കോളേജിലെ ഒ.പി ബ്ലോക്കിൽ രണ്ട് ദിവസം കുടുങ്ങിയ രവീന്ദ്രനെ ആരോ​ഗ്യ മന്ത്രി വീണാ ജോർജ് സന്ദർശിച്ചു. വീഴ്ച്ച പറ്റിയവർക്കെതിരെ ശക്തമായ നടപടി സ്വീകരിക്കുമെന്ന് മന്ത്രി അറിയിച്ചു.മന്ത്രി വന്നത് ആശ്വാസമായെന്ന് രവീന്ദ്രൻ നായർ പറഞ്ഞു. മെഡിക്കൽ വിദ്യാഭ്യാസ വകുപ്പ് ജോ. ഡയറക്ടർ ഡോ. വിശ്വനാഥനും മന്ത്രിയോടൊപ്പമുണ്ടായിരുന്നു.

സി.​പി.​ഐ തി​രു​മ​ല മു​ൻ ലോ​ക്ക​ൽ സെ​ക്ര​ട്ട​റി​യും നി​യ​മ​സ​ഭ​യി​ലെ താ​ൽ​ക്കാ​ലി​ക ജീ​വ​ന​ക്കാ​ര​നു​മാ​യ ര​വീ​ന്ദ്ര​ൻ നാ​യ​ർ (59) ശ​നി​യാ​ഴ്ച ഉ​ച്ച​യോ​ടെയാണ് ലി​ഫ്​​റ്റി​ൽ കു​ടു​ങ്ങി​യത്. കൈ​യി​ൽ ഫോ​ണു​ണ്ടാ​യി​രു​​ന്നു​വെ​ങ്കി​ലും റേ​ഞ്ച്​ കു​റ​വാ​യ​തി​നാ​ൽ മ​റ്റാ​രെ​യും വി​ളി​ക്കാ​നാ​യി​ല്ല. അ​ലാ​റം മു​ഴ​ക്കി​യി​ട്ടും ആ​രും തി​രി​ഞ്ഞു​നോ​ക്കി​യി​ല്ല. വെ​പ്രാ​ള​ത്തി​നി​ടെ ഫോ​ൺ നി​ല​ത്ത്​ വീ​ണ്​ പൊ​ട്ടു​ക​യും ചെ​യ്തു. പൊ​ള്ളി വി​യ​ർ​ത്തും ത​ണു​ത്തു വി​റ​ച്ചും ജീ​വ​നും മു​റു​കെ പി​ടി​ച്ചാണ്​ കൂ​രി​രു​ട്ടി​ൽ ര​ണ്ടു ദി​നം ക​ഴി​ഞ്ഞു​കൂ​ടി​യ​ത്​.ഞാ​യ​റാ​ഴ്ച​യാ​യ​തി​നാ​ൽ ഒ.​പി ബ്ലോ​ക്കി​ലേ​ക്ക്​ ആ​രു​മെ​ത്തി​യി​രു​ന്നി​ല്ല.

സെ​​ക്യൂ​രി​റ്റി വി​ഭാ​ഗ​ത്തി​ലു​ള്ള​വ​ര​ട​ക്കം നൂ​റു ക​ണ​ക്കി​ന്​ ജീ​വ​ന​ക്കാ​രു​ള്ള മെ​ഡി​ക്ക​ൽ കോ​ള​ജ്​ ഒ.​പി ​​​ബ്ലോ​ക്കി​ലെ ലിഫ്റ്റിൽ ഇ​ത്ര​യും നേ​രം ഒ​രു മ​നു​ഷ്യ​ജീ​വ​നും പേ​റി കെ​ട്ടി​ട​ത്തി​നു​ള്ളി​ൽ നി​ശ്ച​ല​മാ​യി​ട്ടും ആ​രു​മ​റി​ഞ്ഞി​ല്ല. ഇതിനകം വീ​ട്ടു​കാ​ർ പൊ​ലീ​സി​ൽ പ​രാ​തി ന​ൽ​കിയിരുന്നു.