ദോഹ: ഖത്തർ ദേശീയദിനം പ്രമാണിച്ച് രണ്ട് ദിവസത്തേക്ക് രാജ്യത്ത് അവധിയായിരിക്കുമെന്ന് അമീരി ദിവാൻ അറിയിച്ചു. 18-ന് നടക്കുന്ന ഖത്തർ ദേശീയദിനാഘോഷവുമായി ബന്ധപ്പെട്ട് ഡിസംബർ 18നും 19നും ആയിരിക്കും അവധി. സർക്കാർ-അർധ സർക്കാർ സ്ഥാപനങ്ങൾക്ക് അവധി ബാധകമായിരിക്കും.
സാധാരണ നിലയിൽ സ്വകാര്യ സ്ഥാപനങ്ങൾക്കും ദേശീയദിനത്തിൽ അവധി നൽകാറുണ്ടെങ്കിലും ഈ വർഷത്തെ അവധിയിൽ ഇതുവരെ വ്യക്തത വന്നിട്ടില്ല. സ്വാകാര്യ സ്ഥാപനങ്ങൾ സ്വന്തം നിലയിൽ ഇക്കാര്യത്തിൽ തീരുമാനമെടുക്കേണ്ടി വരും.
രണ്ട് ദിവസത്തെ ദേശീയ അവധി പ്രഖ്യാപിച്ചതോടെ ഫലത്തിൽ രാജ്യത്തെ സർക്കാർ സ്ഥാപനങ്ങൾക്ക് തുടർച്ചയായി നാല് ദിവസം അവധി കിട്ടും. വാരാന്ത്യ അവധിയായ വെള്ളി, ശനി കഴിഞ്ഞ് ഇനി ഞായാറാഴ്ചയായിരിക്കും സർക്കാർ സ്ഥാപനങ്ങൾക്ക് തുറക്കുക.
