കേരളത്തിലെ ആരാധകരുടെ സ്നേഹത്തിന് ഇൻസ്റ്റാഗ്രാം പോസ്റ്റിലൂടെ ബ്രസീൽ സൂപ്പര് താരം നെയ്മർ നന്ദി പറഞ്ഞു. നെയ്മറുടെ കൂറ്റന് കട്ടൗട്ട് നോക്കിനില്ക്കുന്ന ആരാധകന്റെയും കുട്ടിയുടേയും ചിത്രമാണ് നെയ്മറിന്റെ ഇന്സ്റ്റഗ്രാം പോസ്റ്റിലുള്ളത്. നെയ്മര് ജൂനിയറിന്റെ ഒഫീഷ്യല് വെബ്സൈറ്റിന്റെ പേരിലുള്ള ഇന്സ്റ്റഗ്രാം അക്കൗണ്ടി പോസ്റ്റ് ചെയ്തിരിക്കുന്ന ഫോട്ടോയ്ക്ക് താഴെ നിരവധി ആരാധകർ സന്തോഷം പങ്കുവച്ചിട്ടുണ്ട്.
ലോകത്തിലെ എല്ലായിടങ്ങളിൽ നിന്നും സ്നേഹം വരുന്നു! വളരെ നന്ദി, കേരളം, ഇന്ത്യ, ഇങ്ങനെയാണ് നെയ്മർ ഇൻസ്റ്റാഗ്രാമിൽ കുറിച്ചിട്ടുള്ളത്. അതേസമയം ഖത്തര് ഫിഫ ലോകകപ്പിന്റെ ക്വാര്ട്ടറില് പുറത്തായ ബ്രസീലിന്റെ സൂപ്പര് താരം നെയ്മറുടെ കരിയര് സംബന്ധിച്ചുള്ള അഭ്യൂഹങ്ങള് തുടരുകയാണ്.
