കൊച്ചി: മോൻസൺ മാവുങ്കലിനെ പോക്സോ കേസിൽ രണ്ടാം പ്രതിസ്ഥാനത്ത് നിന്നും കുറ്റവിക്തനാക്കി കോടതി. മോൻസൺന്റെ മേക്കപ്പ്മാനും മാനേജറുമായ ഒന്നാം പ്രതി ജോഷി കുറ്റക്കാരനെന്നും കോടതി കണ്ടെത്തി.ഉച്ചയ്ക്ക് ശേഷമാവും പ്രതിയുടെ ശിക്ഷ വിധിക്കുക.മോൻസൺ മാവുങ്കലിന്റെ ജീവനക്കാരിയുടെ മകളെ ഒന്നാം പ്രതി ജോഷി പീഡിപ്പിച്ചുവെന്നും ഈ കാര്യം മോൻസൺ മറച്ചുവെച്ചുവെന്നുമായിരുന്നു കേസ്.
ഉന്നത വിദ്യാഭ്യാസസഹായം വാഗ്ദാനം ചെയ്ത് ജീവനക്കാരിയുടെ മകളായ പ്രായപൂർത്തിയാകാത്ത പെൺകുട്ടിയെ മോൻസൻ പീഡിപ്പിച്ചെന്നായിരുന്നു പരാതി. 2019 ലായിരുന്നു കേസിനാസ്പദമായ സംഭവം. പെൺകുട്ടിയെ തുടർന്ന് പഠിക്കാൻ സഹായിക്കാമെന്നും പഠനത്തിന്റെ കൂടെ കോസ്മറ്റോളജിയും കൂടി പഠിപ്പിക്കാം എന്നും പറഞ്ഞ് പ്രലോഭിപ്പിച്ച് മോൻസന്റെ എറണാകുളത്തെ വീട്ടിലേക്ക് കൂട്ടിക്കൊണ്ടുവന്നു താമസിപ്പിച്ച് നിരന്തരം പീഡിപ്പിക്കുകയായിരുന്നു.
ഇതേ പെൺകുട്ടിയെയാണ് മോൻസന്റെ മാനേജറായ ജോഷിയും പീഡനത്തിനിരയാക്കിയത്.പുരാവസ്തുതട്ടിപ്പ് പുറത്തായതിന് പിന്നാലെയാണ് മോൻസനെതിരേ പോക്സോ പരാതിയുമായി ജീവനക്കാരിയും എത്തിയത്. മോൻസനെ ഭയന്നാണ് നേരത്തെ പരാതി നൽകാതിരുന്നതെന്നും പരാതിക്കാരി വ്യക്തമാക്കിയിരുന്നു.
