കുവൈത്ത് സിറ്റി: ഇന്ത്യന് പ്രധാനമന്ത്രി നരേന്ദ്ര മോദി വരുന്ന ശനി, ഞായർ ദിവസങ്ങളിൽ കുവൈത്ത് സന്ദര്ശിക്കും. 1981 -ൽ കുവൈത്ത് സന്ദർശിച്ച ഇന്ദിരാഗാന്ധിക്ക് ശേഷം ഒരു ഇന്ത്യൻ പ്രധാനമന്ത്രി കുവൈത്തിൽ എത്തുന്നത് ഇപ്പോഴാണ്.
ഔദ്യോഗിക സന്ദർശനത്തിൻ്റെ ഭാഗമായി കുവൈത്തിൽ എത്തുന്ന മോദി കുവൈത്ത് അമീർ ശൈഖ് മിഷല് അല് അഹ്മദ് അല് ജാബിര് അല് സബാഹ് അടക്കമുള്ള നേതാക്കളുമായി കൂടിക്കാഴ്ച നടത്തും. സബാ അല് സാലെമിലുള്ള ശൈഖ് സാദ് അല് അബ്ദുല്ല അല് സലേം അല് സബാഹ് ഇന്ഡോര് സ്പോര്ട്സ് ഹാളില് വച്ച് ശനിയാഴ്ച പ്രധാനമന്ത്രി ഇന്ത്യൻ സമൂഹത്തെ അഭിസബോധന ചെയ്തു സംസാരിക്കുന്നുണ്ട്.
ശനിയാഴ്ച പ്രധാനമന്ത്രി ഇന്ത്യന് സമൂഹത്തെ അഭിസംബോധന ചെയ്യും. രണ്ട് ദിവസത്തെ സന്ദര്ശനത്തിനായാണ് മോദി കുവൈത്തിലെത്തുന്നത്. 1981ന് ശേഷം കുവൈത്തിലെത്തുന്ന ഇന്ത്യന് പ്രധാനമന്ത്രിയാണ് മോദി. ഈ മാസം ആദ്യം ഇന്ത്യയിലെത്തിയ കുവൈത്ത് വിദേശകാര്യ മന്ത്രി അബ്ദുല്ല അലി അല് യാഹ്യ മോദിയെ കുവൈത്തിലേക്ക് ഔദ്യോഗികമായി ക്ഷണിച്ചിരുന്നു.
