കണ്ണൂർ :മുകേഷിനെതിരായ കേസില് കോടതി തീരുമാനം വരുന്നത് വരെ അദ്ദേഹം എം.എല്.എ. സ്ഥാനത്ത് തുടരുമെന്നും എം.വി.ഗോവിന്ദന് മാധ്യമങ്ങളോട് പറഞ്ഞു.
ആലുവ സ്വദേശിനിയായ നടിയുടെ പരാതിയിലാണ് നടനും എം.എല്.എയുമായ മുകേഷിനെതിരെ പ്രത്യേക അന്വേഷണ സംഘം എറണാകുളം ഫസ്റ്റ് ക്ലാസ് ജുഡീഷല് മജിസ്ട്രേറ്റ് കോടതിയില് കുറ്റപത്രം സമര്പ്പിച്ചത്.
സിനിമയില് അവസരം വാഗ്ദാനം ചെയ്തും അമ്മയില് അംഗത്വം നല്കാമെന്ന് ഉറപ്പുനല്കിയും തന്നെ ലൈംഗികമായി ഉപയോഗിക്കുകയായിരുന്നു എന്നാണ് മുകേഷ് എം.എല്.എയ്ക്കെതിരായി നല്കിയ പരാതി.
മുകേഷിനെതിരായി ഉയര്ന്ന എല്ലാ ആരോപണങ്ങളും തെളിഞ്ഞുവെന്നും ഇ-മെയില് സന്ദേശങ്ങളും വാട്സ്ആപ്പ് ചാറ്റുകളും ഉള്പ്പെടെയുള്ള ഡിജിറ്റല് തെളിവുകള് ഉള്പ്പെടെ ലഭിച്ചിട്ടുണ്ടെന്നുമാണ് അന്വേഷണ സംഘം കുറ്റപത്രത്തില് പറഞ്ഞിരിക്കുന്നത്.
സർക്കാരും പാർട്ടിയും ശരിയായ നിലപാട് സ്വീകരിക്കുമെന്ന് കേന്ദ്ര കമ്മറ്റി അംഗം ഇപി ജയരാജന് വ്യക്തമാക്കി