ചെന്നൈ: ഇന്ത്യയ്ക്കും ശ്രീലങ്കയ്ക്കും ഇടയിൽ മന്നാർ കടലിടുക്കിന് മുകളിലായ രൂപപ്പെട്ട ശക്തിയേറിയ ന്യൂനമർദ്ദം കാരണം ദക്ഷിണേന്ത്യയിലാകെ മഴ തുടരുന്നു. തമിഴ്നാട്, കേരളം, ആന്ധ്ര പ്രദേശ്, കർണാടക എന്നീ സംസ്ഥാനങ്ങളിലാണ് മഴ പെയുന്നത്. അതേസമയം തെക്കൻ തമിഴ്നാട്ടിലെ ജില്ലകളിൽ കനത്ത മഴ കാരണം പ്രളയ സാഹചര്യം രൂപപ്പെട്ടിരിക്കുകയാണ്. . തിരുനെൽവേലി, തൂത്തുക്കുടി, തെങ്കാശി ജില്ലകളിൽ പ്രളയ സമാന സാഹചര്യമാണുണ്ടായത്. എ
തെക്കൻ തമിഴ്നാട്ടിലെ ജില്ലകളിലാണ് കേന്ദ്ര കാലാവസ്ഥാ വകുപ്പ് ഇന്ന് റെഡ് അലർട്ട് പ്രഖ്യാപിച്ചത്. തെങ്കാശി, തിരുനെൽവേലി, തൂത്തുക്കുടി ജില്ലകളിൽ അതിതീവ്ര മഴയ്ക്ക് സാധ്യതയുണ്ടെന്നാണ് അറിയിപ്പ്. തിരുവള്ളൂർ, ചെന്നൈ, കാഞ്ചീപുരം, ചെങ്കൽപട്ട്, വില്ലുപുരം, കടലൂർ, മയിലാടുതുറൈ, നാഗപട്ടണം, തിരുവാരൂർ, തഞ്ചാവൂർ, പുതുച്ചേരി തുടങ്ങി നിരവധി ജില്ലകളിൽ ഒറ്റപ്പെട്ട സ്ഥലങ്ങളിൽ കനത്ത മഴയ്ക്ക് സാധ്യതയുണ്ടെന്നും അറിയിപ്പുണ്ട്.
കേരളത്തിൽ ഇന്ന് ശക്തമായ മഴ പെയ്തെങ്കിലും നാളെ മഴയുടെ തീവ്രതയിൽ കുറവുണ്ടാവും എന്നാണ് കാലാവസ്ഥാ പ്രവചനം.
