ചലച്ചിത്ര നടനും ദേശീയ മുര്പോക്ക് ദ്രാവിഡ കഴകം (ഡിഎംഡികെ) സ്ഥാപക പ്രസിഡന്റുമായ വിജയകാന്ത് അന്തരിച്ചു. അദ്ദേഹത്തെ ആരോഗ്യനിലമോശമായതിനെ തുടര്ന്ന് ആശുപത്രിയില് പ്രവേശിപ്പിച്ചിരുന്നു. ഇന്ന് കൊവിഡ് സ്ഥിരീകരികരിക്കുകയും ചെയ്തു. ഇതിന് പിന്നാലെയാണ് മരണം സ്ഥിരീകരിച്ചത്.
ശ്വാസമെടുക്കാന് ബുദ്ധിമുട്ടുള്ളതിനാല് അദ്ദേഹത്തെ വെന്റിലേറ്ററിലേക്ക് മാറ്റിയിരുന്നു. കൊവിഡ് ബാധിതനായ വിവരം താരത്തിന്റെ സോഷ്യല് മീഡിയയിലൂടെ തന്നെയാണ് പുറത്തുവിട്ടിരിക്കുന്നത്. ആരോഗ്യനില മോശമായതിനെ തുടര്ന്ന് ചൊവ്വാഴ്ചയാണ് ഗിണ്ടിയിലെ സ്വകാര്യ ആശുപത്രിയില് പ്രവേശിപ്പിച്ചത്.
നവംബറിലും അനാരോഗ്യത്തെ തുടര്ന്ന് വിജയകാന്തിനെ ആശുപത്രിയില് പ്രവേശിപ്പിച്ചിരുന്നു. തുടര്ന്ന് ആരോഗ്യത്തെക്കുറിച്ച് അഭ്യൂഹങ്ങള് പരന്നതോടെ ആശുപത്രിയില് നിന്നുള്ള ചിത്രം കുടുംബം പങ്കുവെച്ചിരുന്നു.
ആശുപത്രി വിട്ട അദ്ദേഹം ഒരാഴ്ച മുമ്പ് ചെന്നൈയില് നടന്ന ഡിഎംഡികെ ജനറല് കൗണ്സില് യോഗത്തില് പങ്കെടുക്കുകയും ചെയ്തിരുന്നു. യോഗത്തില് അദ്ദേഹത്തിന്റെ ഭാര്യ പ്രേമലത വിജയകാന്തിനെ യോഗം ഡിഎംഡികെ ജനറല് സെക്രട്ടറിയായി തെരഞ്ഞെടുക്കുകയും ചെയ്തു.