ജവാന്‍ സിനിമ തിയേറ്ററുകളില്‍ കളക്ഷന്‍ നേടി മുന്നേറുന്നതിനിടെ നടന്‍ ഷാരൂഖ് ഖാന് നന്ദി പറഞ്ഞ് ഉത്തര്‍പ്രദേശിലെ ഡോക്ടര്‍ കഫീല്‍ ഖാന്. ജവാന്‍ കണ്ടുവെന്നും ഗോരഖ്പൂരില്‍ കുട്ടികള്‍ കൂട്ടമായി മരിച്ച സംഭവം ചിത്രത്തില്‍ കൊണ്ടു വരാന്‍ കാണിച്ച തീരുമാനം ഏറെ സ്വാധീനിച്ചെന്നും കഫീല്‍ എക്‌സില്‍ പങ്കുവെച്ച തുറന്ന കത്തില്‍ പറയുന്നു.
ജവാന്‍ ഒരു സാങ്കല്‍പ്പിക സൃഷ്ടിയാണെന്ന് ഞാന്‍ മനസിലാക്കുമ്പോഴും ഗൊരഖ്പൂര്‍ ദുരന്തത്തില്‍ ഇരയായ നിരപരാധികളുടെ ജീവിതത്തിന്റെ ശക്തമായ ഓര്‍മ്മപ്പെടുത്തല്‍ കൂടിയാണ്. നമ്മുടെ ആരോഗ്യ സംരക്ഷണ സംവിധാനത്തിനുള്ളിലെ ഉത്തരവാദിത്തത്തിന്റെ അടിയന്തര ആവശ്യകത കൂടിയാണ് ചൂണ്ടിക്കാട്ടുന്നതെന്നും കഫീല്‍ ഖാന് കത്തില്‍ ചൂണ്ടിക്കാട്ടുന്നു.
സന്യ മല്‍ഹോത്രയുടെ ഡോ. ഇറാം ഖാന് എന്ന കഥാപാത്രത്തെ നേരിട്ട് എന്നെ പരാമര്‍ശിച്ചില്ലെങ്കിലും ഞാന്‍ നേരിട്ട അനുഭവങ്ങള്‍ തന്നെയാണ് ചിത്രത്തില്‍ കാണിച്ചത്. ചിത്രത്തില്‍ യഥാര്‍ത്ഥ കുറ്റവാളിയെ പിടികൂടിയതായി കാണിക്കുന്നു. എന്നാല്‍ ജീവിതത്തില്‍ യഥാര്‍ത്ഥ കുറ്റവാളികള്‍ സ്വതന്ത്രമായി വിഹരിക്കുകയാണ്. ഞാന്‍ എന്റെ ജോലി തിരിച്ച് പിടിക്കാന്‍ കഷ്ടപ്പെടുകയാണ് എന്നും കഫീല്‍ ഖാന് കത്തില്‍ എഴുതുന്നു.
ഗൊരഖ്പൂര്‍ ഹോസ്പിറ്റല്‍ ട്രാജഡി എന്ന പേരില്‍ ഞാന്‍ പുസ്തകം എഴുതിയിട്ടുണ്ട്. ആറോളം ഭാഷകളില്‍ അതിന്റെ പതിപ്പ് ലഭ്യമാണ്. ഗൊരഖ്പൂര്‍ ഹോസ്പിറ്റല്‍ ദുരന്തത്തിന്റെയും അനന്തര ഫലങ്ങളുടെയും സമഗ്രമായ ആദ്യ വിവരണമാണ് ഈ പുസ്തകം. സിനിമയുടെ ഇതിവൃത്തത്തില്‍ ഒരു ഭാഗം ഞാന്‍ എന്റെ പുസ്തകത്തില്‍ വിവരിച്ചിരിക്കുന്ന സംഭവങ്ങളുമായി ബന്ധമുണ്ടെന്ന് തന്നെയാണ് ഞാന്‍ വിശ്വസിക്കുന്നത്.
സംവിധായകന്‍ അറ്റ്‌ലീ, ചിത്രത്തിലെ മറ്റു അണിയറപ്രവര്‍ത്തകര്‍ക്ക് വ്യക്തിപരമായി നന്ദി അറിയിക്കുന്നു. നിങ്ങളുടെ മറുപടിക്കായി കാത്തിരിക്കുന്നു എന്നും അദ്ദേഹം കുറിച്ചു.
Unfortunately, I wasn’t able to obtain your email address, @iamsrk sir .
Consequently, I sent the letter by post, but that also showing in transit even after many days .Therefore posting it here 🙏🏾
To
The Honourable Mr. Shah Rukh Khan
Indian actor and film producer
Mannat,… pic.twitter.com/9OxtzHQJ5M
— Dr Kafeel Khan (@drkafeelkhan) October 5, 2023
