ഈ വര്ഷവും റിപ്പബ്ലിക് ദിന പരേഡിലേക്കായുള്ള കേരളത്തിന്റെ നിശ്ചല ദൃശ്യത്തിന് അനുമതി നിഷേധിച്ച് കേന്ദ്രം. കേരളം നല്കിയ പത്ത് മാതൃകകളും അംഗീകരിച്ചില്ല. കേരളത്തിന്റെ വികസന നേട്ടങ്ങളാണ് നിശ്ചല ദൃശ്യത്തില് ഉള്പ്പെടുത്തിയിരുന്നതെന്ന് പി ആര് ഡി അഡീഷണല് ഡയരക്ടര് അറിയിച്ചു.
വികസിത ഭാരത്, ഇന്ത്യ ജനാധിപത്യത്തിന്റെ മാതാവ് എന്നീ പ്രമേയങ്ങളിലാണ് കേന്ദ്രം നിശ്ചലദൃശ്യങ്ങള്ക്കായി കേന്ദ്രം നിര്ദേശിച്ചിരുന്നത്. നിശ്ചലദൃശ്യം റിപ്പബ്ലിക് ദിന പരേഡില് അവതരിപ്പിക്കാന് കഴിയാത്ത സംസ്ഥാനങ്ങള്ക്ക് ഈ മാസം 23 മുതല് 31 വരെ ചെങ്കോട്ടയില് നടക്കുന്ന ഭാരത് പര്വില് അവതരിപ്പിക്കാമെന്ന് പ്രതിരോധ മന്ത്രാലയം കേരളത്തെ അറിയിച്ചു.
പഞ്ചാബ്, പശ്ചിമ ബംഗാള്, ഡല്ഹി സംസ്ഥാനങ്ങളുടെ നിശ്ചല ദൃശ്യങ്ങള്ക്കും അനുമതി ലഭിച്ചിട്ടില്ല. ഭാരത് പര്വില് പങ്കെടുക്കില്ലെന്ന് പഞ്ചാബ് മുഖ്യമന്ത്രി ഭഗവന്ത് മന് വ്യക്തമാക്കി. എന്നാല് കേരളം ഇക്കാര്യത്തില് ഇതുവരെ തീരുമാനമെടുത്തിട്ടില്ല. 2021ലും 2022ലും കേരളത്തിന്റെ നിശ്ചല ദൃശ്യം ഉള്പ്പെടുത്തിയിരുന്നു. എന്നാല് 2020ല് അനുമതി നിഷേധിച്ചിരുന്നു.
