ദുബായ് : കേരളത്തെ നടുക്കിയ വയനാട് ദുരന്തത്തിൽ സർവ്വവും നഷ്ടപ്പെട്ടവർക്ക് സഹായവുമായി എബിസി കാർഗോ. നൂറോളംപേർക്ക് തൊഴിൽ അവസരങ്ങൾ നൽകുന്നതിനൊപ്പം ദുരിതബാധിത മേഖലയിലേക്കു ആവശ്യസാധനങ്ങൾ യുഎഇൽ നിന്നും സൗദിയിൽ നിന്നും തീർത്തും സൗജന്യമായി എത്തിച്ചു നൽകുമെന്നും എബിസി മാനേജ്മന്റ് അറിയിച്ചു.
ഒരു ആയുഷ്കാലം സമ്പാദിച്ചത് മുഴുവനും നഷ്ടപെട്ട അവസ്ഥയിലാണ് വയനാട്ടിലെ ഉരുൾപൊട്ടൽ ദുരിതബാധിതർ. അത്തരത്തിൽ കഷ്ടപ്പെടുന്നവരിൽ നിന്നും നൂറോളംപേർക്ക് അവരുടെ തൊഴിൽ പരിചയവും വിദ്യാഭ്യാസ യോഗ്യതയും അനുസരിച്ചു എബിസി കാർഗോയുടെ ജിസിസിയിലെ ബ്രാഞ്ചുകളിലായി തൊഴിൽ അവസരങ്ങൾ ഉറപ്പാക്കിയിട്ടുണ്ട്. താത്പര്യമുള്ളവർക്ക് +971 56 506 9893 എന്നി നമ്പറിലൂടെ ബന്ധപ്പെടാവുന്നതാണ്.
കൂടാതെ നിലവിലെ സാഹചര്യത്തിൽ കഴിയാവുന്നത്ര സാധനങ്ങൾ ശേഖരിച്ചു അതിനെ നാട്ടിലേക്കു എത്തിക്കുന്നതിനുള്ള തയ്യാറെടുപ്പിലാണ് എബിസി കാർഗോ പ്രതിനിധികൾ. അവശ്യ വസ്തുകൾ ഗുണമേന്മ ഉറപ്പാക്കി അതിവേഗം പാക്കിംഗ് നടത്തി കേരളത്തിലെത്തിക്കാൻ എബിസി കാർഗോ ജീവനക്കാർ സജീവമായി പ്രവർത്തിക്കുന്നുണ്ട്.
സാധനങ്ങൾ എബിസി കാർഗോയുടെ നാട്ടിലെ ഓഫീസിൽ എത്തിച്ചതിന് ശേഷമായിരിക്കും വിവിധ ദുരിതാശ്വാസ ക്യാമ്പുകളിലായി എത്തിക്കുക. ഭക്ഷണം, വസ്ത്രം തുടങ്ങി എല്ലാ വിധ ആവശ്യസാധനങ്ങളും എത്തിച്ചുനല്കുന്നതാണ്. ഈ ദേശീയദുരന്തത്തിൽ നിന്നും നമ്മുടെ നാടിനെ മോചിപ്പിക്കുന്നതിനായി എബിസി കാർഗോ മാനേജ്മെന്റും ജീവനക്കാരും എല്ലായെപ്പോഴും സജീവമായിരിക്കുമെന്ന് എബിസി മാനേജ്മന്റ് വ്യക്തമാക്കി.
